راحه تجيب عريس من الجامعة

لمصايب كلها مابتحصلشى غير من الجامعة يانهار دا الجامعة دى معدتشى مكان للتعليم ياولاد ..... والله يابنات الواحد كان بيشوف مناظر وهو ماشى فى الجامعة... بقيت امشى بسرعة واقول لصحابى امشوا بسرعة دا ممكن ربنا يزلزل الارض من تحتهم من غضبه ....

اصلا الحكاية ومافيها ان الحلوة اول ماتطلع من الثانوية على الجامعة تكون فرحانه اوى اصلى خلاص هبقى فرى وهعيش حياتى وتبتدى بأه تصاحب بنات وخلاص سواء بأه بيمشوا مع شباب او لا طب ليه مهما هيجروكى معاهم فى اللى هيعملوه ..... وانتى ادرى؟؟؟

وتبتدى المصيبة من كشكول الجامعة اصلى عايزة من فلان المحضرات بتاعة اليوم الفلانى ياشيخة ماانتى عندك 600 بنت فى الجامعة مابتطلبيش منها ليه المحاضرات ؟؟

انا نفسى اعرف البنت هتفوق وتصحى لنفسها امتى وهى كل ماحد ينصحها ويقولها احذرى داانا حصلى من فلان كذا كذا وكلهم زى بعضهم تقول لا انا مش زيك ولا فلان زى فلان

الله عليكى طب خلى بالك من نفسك بأه تعد كام اسبوع ولا كام شهر وتبصى تلقيها جايبة مصيبة وجاية تعيط وساعدونى الحقونى هنتحر هموت نفسى ليه ياحاجه فيه ايه ؟؟؟

اصلى حصلى كذا كذا ويارتنى سمعت كلامك وفلان طلع .... وتقول فيه اللى ماتقالش.

الله هو مش انتى البنت الجدعة اللى محدش يقدر عليها ....... ايه اللى حصل ؟ تقولك اصل الشيطان منه لله الله طب ماانتى عارفه ان مافيش راجل هيختلى بمرأه الا والشيطان معاهم

وثالثهم (((داانتى اللى عازمة الشيطان على القاعدة الحلوة دى))) مش كدا برده!!!!

وبعدين نفسى اعرف ليه لما بتحصل البلوة بتيجى تكلمينا عشان نساعدك ليه مش قبل ماتحصل البلوة تيجى تاخدى رأينا واحنا هنقولك لا ابعدى هتندمى وننصحك بدل ماتندمى وتوجعى قلوبنا معاكى .........

والله انا اعرف واحدة الله يكرمها ويعزها من اول سنة ليها فى الجامعة ولقت شاب مميز فى الجامعة وابن ناس ولم تتوقع لحظه انه من نفس بلدتها .... واتى لها هذا الشاب فى مره وهى واقفه تنتظر المواصلة لتعود لمنزلها وقال لها ((عرفتك من طرحتك)) والله اتخضت ولم ترد عليه ولم تعيره اى اهتمام فحاول معها بطريقه اخرى ودفع لها ثمن الاجره امام بنات كثيرة
فرفضت فقال لها بالحرف (والله لو الاجره رجعت لهرميها من الشباك ) ولم تهتز لها شعره ففتح شباك السياره ورمى الاجره امام الجميع .....
طبعا الحكاية بتاعة البنوته دى كبيرة اوى انا بس قولتكوا موقفين حصلوا لها وربنا يحفظها وبنات المسلمين.... ما شاء الله اللهم بارك

وياريت تتوبى بأه يااختى عن الاغانى والله الاغانى بلوة كبيرة وياريت تعرفى ان خطيبك راجل غريب مالوش اى حقوق .... يارب نفهم

انا حبيت اعطيكوا مثال ان كله من الفتاه نفسها هى من عليها المسؤليه الكامله ... حفظك الله ايتها الفتاه يامن تحافظى على نفسك واهلك فأنتى والله دره حفظها الله بحفظه ورعاها.....

سمحونى لو كان كلامى قاسى او به غلظه والله من حبى فيكوا وخوفى عليكوا ... والله لن تنصلح حال الامه الا بصلاح حال نسائها .....
قيمى الموضوع جايز البنات تفوق وتصحى وتكونى سبب فى هدايتها..